Embedded Files
Mo deteste bann Lindi. Mansonz ki zot trikote lor enn lasemenn prodiktif. Zot manier vini san anonse. Mo’nn rans ar zot mani detrir bann plezir Dimans. A krwar pouvwar larzan se sel exkiz anil mo dezir pionse.
Mo bien deteste bann Lindi. Ar so lesiel gri ek so bann bis lekol ki blok mo lanvi avanse mem si ofon, pou mo bienet, mo ti pou kontan rebrous sime. Bann vizaz absan, lakol dan lizie, bann fos fetar ki manz enn doz kafe pou kolmat zot linstin violan, bann sourir finn bliye anba kwet. Mo lindi pe fwet bann rev ki mo’nn abandone lor lili.
Mo extra deteste bann Lindi parski li santi lirzans. Bann lalis latas, bann bwat mel ki menas mwa par zot prezans. Mo santi mwa extreman menase, kouma enn extrateres ki pe travers enn sistem soler ostil. Mo retrouv bann promes Vandredi ki reaparet lor mo fron kouma enn sib, e mem Merkredi pa paret plis interese pour partaz so akalmi.
Mo deteste Lindi alafoli. Mo rezekte tandans ki li inzekte kan li pous mwa tchek mo ler sa minit. Mo lekours fek koumanse mo anvi fini ariv lor lalign darive. Mo konpran ki se pa so lafot me dan enn lemond ki manipil ni sibkonsian pou fer nou vinn performan, mo pa le trouv letan ki pe pase kouma enn prinsip inosan.
Written by : Griyo
Page updated
Google Sites
Report abuse